"Реал"нинг янги ўйинчиси Мессини энг яхши футболчи деб атади

Ҳужумкор ярим ҳимоячи Франко Мастантуоно расман "Реал Мадрид" жамоаси аъзосига айланди.

Аргентиналик футболчи 18 ёшга тўлгач, шу куниёқ унинг Мадрид клуби билан тузилган шартномаси кучга кирди. "Реал"даги илк матбуот анжуманида Мастантуоно дунёнинг энг яхши футболчиси "Барселона" афсонаси Лионель Месси эканлигини айтиб, ҳаммани ҳайратга солди.

- Дунёнинг энг зўр футболчиси ким? Менинг назаримда, бу Месси. Ахир мен аргентиналикман-да, - дея таъкидлади Мастантуоно.

"Реал" сафида Франко Мастантуоно биринчи мавсумда 30-рақам остида тўп тепади, яъни у асосий таркибга киритилмайди. Ла Лигадаги асосий таркиб футболчилари 1 дан 25 гача бўлган рақамлар остида рўйхатга олинади.