Regbi. Terma jamoamiz xorijiy o‘quv-mashg‘ulot yig‘inini o‘tkazmoqda

Ayni kunlarda regbi-7 bo‘yicha O‘zbekiston erkaklar terma jamoasi Janubiy Koreyada bo‘lib turibdi. Jamoamiz u erda o‘quv-mashg‘ulot yig‘inida ishtirok etmoqda. Bu haqda MOQ matbuot xizmati xabar tarqatmoqda.

Manbaga ko‘ra, har ikki mamlakat regbi federatsiyalarining hamkorligi asosida tashkil etilgan ushbu loyihaga ko‘ra, sportchilarimiz 23-noyabrga qadar Seulda bo‘lishadi. Jamoamiz Janubiy Koreya Olimpiya qo‘mitasining Milliy mashg‘ulot markaziga joylashgan. Yig‘in doirasida mahalliy jamoa bilan o‘rtoqlik uchrashuvlari tashkil etilmoqda.