Рэшфорд Манчестер университетининг фахрий дипломига эга бўлди

“Манчестер Юнайтед” клуби ва Англия терма жамоаси форварди Маркус Рэшфорд Манчестер университетининг фахрий дипломини олди. Эътиборлиси, у ушбу дипломга эга бўлган энг ёш талабага айланди.

22 ёшли футболчи хайрия ишлари учун Буюк Британиянинг энг нуфузли университетларидан бири томонидан тақдирланган.

Футболчи Буюк Британия ҳукуматининг мактаб таътилида болаларни бепул овқат билан таъминламаслик ҳақидаги қарорини бекор қилишга муваффақ бўлди. Рэшфорд Буюк Британия бош вазири Борис Жонсонни фикрини ўзгартиришга ишонтира олди.

Бундан ташқари, у FareShare хайрия жамғармасига озиқ-овқат учун 22 млн евро йиғишга ёрдам берди.

Матнда хатолик топсангиз, ўша хатони белгилаб, бизга жўнатинг (Ctrl + Enter)