Рэшфорд масаласида янгилик бўлиши кутилмоқда

"Манчестер Юнайтед" тез орада жамоа ҳужумчиси Маркус Рэшфордга янги шартнома таклиф қилади.

Эслатиб ўтамиз, 24 ёшли англиялик футболчининг "қизил иблислар" билан амалдаги шартномаси 2023 йилнинг 30 июнида якунига етади.

ESPN хабарига кўра, клуб раҳбарияти ҳужумчига узоқ муддатли шартнома таклиф қилмоқчи, аммо унинг шартлари ҳозирча номалум.

Жорий мавсумда Решфорд “Манчестер Юнайтед” сафида 15 та ўйинда майдонга тушиб, 3 та гол урди ва 1 та голли узатмани амалга оширди.