Р.Фернандес:
Ads

Каталониянинг “Барселона” клуби спорт директори Роберт Фернандеснинг сўзларига кўра жамоа раҳбарияти ва Лионель Месси ўртасида шартномани узайтириш борасида ҳеч қандай келишмовчиликлар йўқ.

“Барселона” Месси билан шартномани узайтириш борасида тўлиқ келишувга эришган. Шунчаки биз ушбу шартномани имзолаш учун қулай фурсатни кутяпмиз. Бор гап шу”, - дейди Фернандес.

Эслатиб ўтамиз, Каталония супер клуби июль ойининг бошида Месси билан шартномани узайтириш борасида келишувга эришганлиги ва ушбу шартнома футболчи таътилдан қайтганидан сўнг имзоланиши ҳақида эълон қилган эди. Бироқ, ҳалигача ушбу иш амалга оширилгани йўқ.

Таъкидлаш лозимки, бундан аввалроқ 30 ёшли аргентиналик футболчи учун Англиянинг “Манчестер Сити” клуби 300 млн евро товон пули тўлаб, уни сотиб олишга тайёр эканлиги ҳақида хабарлар тарқалган эди.