Рибери фаолиятини А Серияда давом эттиради

“Бавария” клуби собиқ вингери Франк Рибери фаолиятини “Фиорентина”да давом эттириши кутилмоқда.

36 ёшли франциялик футболчи ўзининг Инстаграмдаги саҳифасида Италияга йўл олаётганига шаъма қилди. Bild нашри тарқатган хабарга кўра Риберига Саудия Арабистонининг “Ал Наср” клуби ҳам жиддий қизиқиш билдираётган эди. Бироқ, у якунда арабларнинг таклифини рад этди ва “бинафшаранглилар” сафига ўтишни танлади.

Эслатиб ўтамиз, Рибери айни дамда эркин агент ҳисобланади. Шу боис у янги жамоасига текинга бориб қўшилади.