Роберт Уиттакер тишларини бутунлай олиб ташлади!

Ўрта вазн тоифасида UFC собиқ чемпиони Роберт Уиттакер чеченистонлик Хамзат Чимаев билан жангда анчагина қийин аҳволга тушиб қолганди. Ўшанда австралиялик спортчининг пастки олд тишларининг бир қисми силжиб кетган. Бугунга келиб эса Уиттакер жароҳатдан деярли тикланганини хабар қилди.

“Қайта тикланиш ҳамма кутганидан ҳам тезроқ кечди. Рости, бу тишлардан чарчаган эдим. Шу боис улардан бутунлай халос бўлдим ва ўрнига имплантлар қўйдирдим. Айни пайтдда ҳаммаси жойида. Тўрт ҳафтадан кейин машғулотларга қайтаман” -  деди Уиттакер Ариэль Хельванининг подкастида.

Эслатиб ўтамиз, Уиттакер биринчи раунддаёқ Чимаевдан сабмишн эвазига мағлуб бўлганди.