Родри: "Олтин тўп"имни Жаҳон Чемпионати кубогига алмаштирган бўлардим"

«Манчестер Сити» ва Испания терма жамоаси ярим ҳимоячиси Родри ўзининг «Олтин тўп» мукофотини 2026 йилги жаҳон чемпионатидаги ғалабага алмаштиришга тайёр эканини айтди. 

Эслатиб ўтамиз, у 2024 йилда футболчилар учун энг нуфузли индивидуал совринлардан бири бўлган «Олтин тўп»ни қўлга киритган эди.

«Мен албатта ўзимнинг «Олтин тўп»имни Жаҳон чемпионати кубогига алмаштирган бўлардим», — дея Родрининг сўзларини келтиради инсайдер журналист Фабрицио Романо.

Маълумот учун, 2026 йилги жаҳон чемпионати 11 июндан 19 июлга қадар ўтказилади. Бу сафар мусобақада 48 та терма жамоа иштирок этмоқда. Учта мезбон мамлакат — АҚШ, Канада ва Мексика — автоматик равишда иштирокчи ҳисобланган бўлса, қолган терма жамоалар саралаш босқичи орқали йўлланма қўлга киритган.