Родриго узоқ танаффусдан сўнг яна машғулотларга қайтди

«Реал» клубининг 25 ёшли бразилиялик ҳужумчиси Родриго ярим йиллик танаффусдан сўнг яна машғулотларга қайтди. Манбаларга кўра, бугун футболчи биринчи марта яна тўп билан индивидуал равишда ишлай бошлаган.|

Родриго тиззасидаги крестообраз боғламларидан олган оғир жароҳатидан сўнг тикланиш жараёнининг якуний босқичига кирди. Бразилиялик сўнгги марта жорий йил март ойида «Реал» таркибида майдонга тушган эди. Унинг сафга тўлиқ қайтиши декабрь – январ ойларига мўлжалланаётгани айтилмоқда.

Родриго 2019 йилдан бери «Сантос» клубидан ўтиб, «Реал» шарафини ҳимоя қилиб келмоқда. Ўтган мавсумда у клуб таркибида 27 та ўйин ўтказиб, 3 та гол урди ва 4 та голли узатма амалга оширди.