Рокенинг агенти: "Витор учун ҳозир ҳам 50 миллион евро тўлашга тайёр турган клублар бор"

Қишки трансферлар ойнасида "Барселона" таркибига келиб қўшилган Витор Рокега кам ўйин амалиёти берилмоқда. У жамоа сафида 239 дақиқа ҳаракатланди. Футболчининг агенти бразилиялик ёш истеъдод борасидаги айрим саволларга жавоб берди. 

"Айни пайтда Виторга 50 миллион евро тўлашга тайёр турган клублар бор, лекин Роке ҳеч қаерга кетмайди. У "Барселона"да муваффақиятга эришишни истамоқда", дейди Кюри. 

Рокенинг трансфери "Барса" учун бонусларсиз 40 миллион еврога тушган. 19 ёшли ҳужумчи кам ўйнаётган бўлса ҳам, аллақачон 2 та гол уришга эришди.