"Roland Garros". Аёллар ўртасидаги баҳсларда финалчилар аниқланди

Теннис бўйича "Катта дубулға" туркумига кирувчи Франция очиқ чемпионатининг аёллар баҳсларида финалчилар номи маълум бўлди.

Ярим финалнинг дастлабки беллашувида италиялик Мартина Тревизан ҳамда АҚШ вакиласи Кори Гауфф ўзаро баҳс олиб борди. Унда океанортидан ташриф буюрган спортчи 6:3, 6:1 ҳисобида зафар қучди.

Иккинчи финалчи турнирнинг биринчи рақамли ракетка устаси Ига Швёнтек катта қийинчиликсиз Дарья Касаткинадан устун келди, якуний ҳисоб - 6:2, 6:1.

Энди Швёнтек ва Гауфф ўртасидаги ҳал қилувчи тўқнашув 4 июнь куни Тошкент вақти билан соат 18:00 да старт олади.