"Roland Garros". Ярим финалга чиққан барча теннисчилар билан танишинг

Теннис бўйича "Катта дубулға" туркумига кирувчи "Ролан Гаррос" турнирининг эркаклар ўртасидаги беллашувларида чорак финал ўйинлари ниҳоясига етди.

Сўнгги икки қарама-қаршиликда норвегиялик Каспер Рууд Дания шарафини ҳимоя қилган Хольгер Рунени 4 сетда мағлуб этди. Ҳисоб - 6:1, 4:6, 7:6(7:2), 6:3.

Шунингдек, Андрей Рублёв кичик сенсация туфайли мусобақани тарк этди. Россиялик спортчи хорватиялик рақиби Марин Чиличга 5 сетлик баҳсда имкониятни бой берди. Якуний ҳисоб - 5:7, 6:3, 6:4, 3:6, 7:6(10:2).