"Рома" 3 футболчидан воз кечди. Улар орасида Шомуродов борми?

Легионеримиз Элдор Шомуродов қишки трансферлар ойнасида жамоасини ўзгартириши кутилмоқда. 

Италия нашрлари берган хабарга кўра, "бўрилар" 3 футболчисини трансферга қўйиши кутилмоқда. Ҳамюртимиз Элдор Шомуродов, Матиас Винья ҳамда Рик Карсдорп шулар жумласидандир. 

Қайд этиш лозим, 27 ёшли форвардимизга А Сериянинг "Торино" ҳамда "Кремонезе" каби клублари қизиқиш билдирмоқда. Мазкур жамоалар уни ижарага олиш ниятида, аммо Рим клуби Элдорни сотиш ҳақида ўйламоқда. Шу туфайли унинг трансфери чигал ҳолатда. 

Ҳаммаси клуб спорт директори Тьяго Пинтонинг қарорига боғлиқ. Айни вақтда у А Серия клублари билан Шомуродов борасида музокаралар олиб бормоқда.