"Рома" бутун мавсум давомида 1 та ўйинда ўйнаган "Челси" футболчисини Римда олиб қолмоқчи

"Рома" клуби "Челси"дан ижарага олинган ҳимоячи Давиде Дзаппакоста билан шартномани узайтирмоқчи.

Италиялик журналист Николо Скиранинг хабар беришича, томонлар бу борада деярли келишувга эришган.

Айтиш лозимки, “Рома” Дзаппакостани ўтган йилнинг ёзида ижарага олган эди. Аммо, у ўтган давр мобайнида бор йўғи 1 та ўйинда майдонга тушди холос. Боиси, Давиде октябрда тиззасидан жиддий жароҳат олиб, асосий вақтни даволанишга сарфлади.

“Рома” 26 турдан сўнг А Серия мусобақа жадвалида 5-ўринда бормоқда. Римликларни ЕЧЛ йўлланмасидан бор йўғи 3 очко ажратиб турибди.