“Roma” etakchisiga yangi taklif bilan chiqdi

“Roma” rahbariyati jamoaning asosiy futbolchilaridan biri Nikolo Dzanologa yangi shartnoma taklif qilish borasida ish boshladi.

Ma’lumotlarga qaraganda, rimliklar 22 yoshli yarim himoyachi bilan amaldagi bitimni 2025 yilning yarmiga uzaytirmoqchi. Tez orada tomonlar yangi shartnoma bo‘yicha muzokara boshlashi kutilmoqda.

Dzanolo 2018 yildan beri “Roma” sharafini himoya qilmoqda. Ilgari iste’dodli futbolchi “Virtus Entella” va “Inter”da  o‘ynagan. Transfermarkt portali Nikoloning transfer summasini 40 million evroga baholamoqda.