“Roma” futbolchisi boshqa superklub bilan kelishuvga erishdi

“Roma”ning 33 yoshli universal futbolchisi Genrix Mxitaryan faoliyatini A Seriya etakchilarnidan “Inter” safida davom ettirishgi kutilmoqda.

Corriere dello Sport nashrining ma’lum qilishicha, armanistonlik pleymeyker Rim klubi bilan hamkorlikni uzaytirmaslikka qaror qilgan.

“Roma” bosh murabbiyi Joze Mourino Genrixni tarkibda saqlab qolishni istagan edi. Portugaliyalik mutaxassis klub mutasaddilaridan Mxitaryan bilan yangi shartnoma tuzishni so‘ragan.

Manbaning ta’kidlashicha, Mxitaryan “Inter” rahbariyati bilan o‘zaro hamkorlik bo‘yicha kelishuvga erishib bo‘lgan va yozda Milanga ko‘chib o‘tadi.

Yangi jamoada Genrix ikki mavsum to‘p tepadi va maoshi bir yil uyaun 3,5 million evroni tashkil qiladi.

“Roma” unga bir yillik shartnoma taklif qilib, maoshini pasaytirishni istagan edi. Bu Mxitaryanni qoniqtirgani yo‘q.