“Рома” футболчисига катта клуб харидор

“Рома” ва “Милан” спорт директорлари Тьягу Пинто ва Фредерик Массара ўзаро учрашиб, римликларнинг 29 ёшли ярим ҳимоячиси Жордан Верету трансферини муҳокама қилди, деб хабар бермоқда Calciomercato.com сайти.

Франциялик легионер жамоа бош мураббий Жозе Моуриньонинг келаси мавсум режаларига киритилмаган. Шу боис пойтахтликлар бу футболчини тўлиқ сотиб юборишни режалаштирмоқда.

“Милан” бош мураббийи Стефано Пиоли Веретунинг имкониятларидан жуда яхши хабардор. Чунки Жордан “Фиорентина”да Пиоли қўл остида тўп тепган.

Верету ўтган мавсумда 49 та ўйинда қатнашиб, тўртта гол ва 10 та ассист муаллифи бўлди. Унинг трансфери 15 миллион еврога баҳоланмоқда.