"Рома" футболчисига "Реал" ва ПСЖ кўз тиккан

"Рома" ҳимоячиси Леонардо Спинацола жароҳатидан тўлиқ тузалгач, унга Европанинг бир қатор топ-клублари қизиқиш билдира бошлаган.

La Gazzetta dello Sport нашри тарқатган хабарга кўра, 29 ёшли италиялик футболчининг майдонга қайтиши уни яна ПСЖ ва "Реал"нинг трансфер нишонига айлантирган. Иккала жамоа ҳам футболчига Евро-2020 ва жароҳати олдидан жиддий қизиқиш билдирган эди.

Бироқ, Жозе Моуриньо аллақачон клуб раҳбариятига Спинацола дахлсиз экани ва жамоанинг узоқ муддатли режаларига киришини айтган. Португалиялик мутахассис майдонга тушишни қарийб бир йил кутган футболчини қўйиб юбориш ниятида эмас.

Маълумот учун, Леонардо Спинацола ўтган мавсум “Рома” сафида бор йўғи 3 та ўйинда майдонга тушган холос.