"Рома" ҳужумчиси 30 йиллик рекордни такрорлади

“Рома” ҳужумчиси Тэмми Абрахам жорий мавсум А Серияда 11 та гол урди.

Gracenote Live маълумотларига кўра, "бўрилар" форварди бир мавсумда Италия чемпионатида 11 та гол урган сўнгги 30 йил ичидаги биринчи инглиз футболчиси бўлди.

Маълумот учун, охирги марта 1991/92 йилги мавсумда "Бари" футболчиси Дэвид Платт Италия чемпионатида бир мавсумида 11 бор рақиблар дарвозасини ишғол қилишга эришган.

“Рома” айни дамда 40 очко билан мусобақа жадвалида 7-ўринни эгаллаб турибди. Римликлар пешқадам “Милан”дан нақд 15 очко ортда бормоқда.