"Рома" жуда салбий натижалар қайд этмоқда (фото)

Элдор Шомуродовнинг "Рома"си сўнгги пайтларда жуда қийин даврларни ўз бошидан кечирмоқда.

Римликлар барча мусобақаларда охирги 6 ўйиннинг фақатгина биттасида ғалаба қозонган. Кеча, Жозе Моуриньо шогирдлари А Сериянинг 36-тури доирасидаги "Фиорентина"га қарши баҳсда ҳам имкониятни бой берди, 0:2.

18 апрель санасидан буён "бўрилар" 3 бор мағлубиятга учради, икки марта дуранг ўйнаб, фақатгина "Лестер" устидан зафар қучди. Навбатдаги тўқнашувда Моуриньо шогирдлари "Венеция" билан куч синашади.