"Рома" "Ливерпуль" футболчисини ўз сафига қўшиб олмоқчи

"Рома" клуби "Ливерпуль" ҳимоячиси Деян Ловренга жиддий қизиқиш билдирмоқда. Бу ҳақда италиялик журналист Николо Скира ўзининг твиттердаги саҳифаси орқали маълум қилди.

Юқоридаги манбаага кўра хорватиялик футболчининг агенти аллақачон римликлар раҳбарияти билан бу борада музокаралар ўтказган. “Бўрилар” Ловренни кейинчалик 16 млн еврога сотиб олиш ҳуқуқи билан 1 йилга ижарага олишни таклиф қилишган. “Ливерпуль” эса уни 20 миллионга баҳоламоқда. Шу боис клублар катта эҳтимол билан келишувга эришишлари кутилмоқда.

Маълумот учун, 30 ёшли Ловрен “Ливерпуль” сафида 2014 йилдан буён тўп суриб келмоқда. У ўтган давр мобайнида мерсисайдликлар таркибида жами 170та ўйинда майдонга тушди ва 7та гол ҳамда 4та голли узатма ёздириб қўйишга эришди. Унинг клуб билан амалдаги шартномаси 2021 йилга қадар имзоланган.