"Рома" Пасторени қанчага сотмоқчи?

"Рома" раҳбарияти аргентиналик ҳужумкор ярим ҳимоячи Хавьер Пасторенинг трансфер нархини эълон қилди.

TNT Sports тарқатган хабарга қараганда, “бўрилар” 32 ёшли футболчини 10 миллион еврога баҳоламоқда. Унга "Зенит" ва "Лос-Анжелес Гэлакси" асосий даъвогар сифатида эътироф этилмоқда.

Пасторе жорий мавсум “Рома” сафида 15 та ўйинда майдонга тушди ва жамоасининг 2 та голига ассистентлик қилди. Transfermarket талқинига кўра, унинг трансфер нархи 8 млн еврони ташкил этади.