"Roma" rahbariyati Tottining raqamini kimga va’da qilishmoqda?

“Roma” klubi rahbariyati yarim himoyachi Lorentso Pellegrinini jamoada olib qolmoqchi.

Aytish kerakki, 23 yoshli italiyalik futbolchining amaldagi shartnomasi 2022 yilga qadar imzolangan, ammo tovon puli bor yo‘g‘i 30 million evroni tashkil etadi.

Corriere dello Sport nashri tarqatgan xabarga ko‘ra “Roma” sport direktori Janluka Petrachi hozirda Pellegrini bilan shartnomani uzaytirish bo‘yicha ish olib bormoqda. U mahoratli futbolchini ko‘ndirish uchun unga afsonaviy Franchesko Tottiga tegishli 10-raqamni va sardorlik bog‘ichini taklif qildi.

Ma’lumot uchun, Pellegrini joriy mavsum “Roma” safida 14 ta o‘yinda maydonga tushdi va 1 ta gol hamda 9 ta golli uzatmaga mualliflik qildi.