"Roma" Turin klubidan darvozabon sotib oladi

"Torino" darvozaboni Salvatore Sirigu faoliyatini A Seriyaning boshqa klubida davom ettirishi mumkin.

Italiyalik posbonga "Roma" qiziqib qolgan. Gazzetta dello Sport nashri tarqatgan xabarga ko‘ra, rimliklar rahbariyati jamoaning ikkala darvozaboni - Pau Lopes va Antonio Mirante ko‘rsatayotgan o‘yinlardan umuman qoniqmayapti. Ular Lopesni ijaraga berib, o‘rniga Siriguni olib kelmoqchi.

Sirigu “Torino” safiga 2017 yil PSJdan ko‘chib o‘tgan edi. U o‘tgan davr mobaynida turinliklar safida 131 ta o‘yinda maydonga tushdi va o‘z darvozasidan 186 ta gol o‘tkazib yubordi. Uning klub bilan amaldagi shartnomasi 2022 yilga qadar imzolangan.