"Рома" Турин клубидан дарвозабон сотиб олади

"Торино" дарвозабони Сальваторе Сиригу фаолиятини А Сериянинг бошқа клубида давом эттириши мумкин.

Италиялик посбонга "Рома" қизиқиб қолган. Gazzetta dello Sport нашри тарқатган хабарга кўра, римликлар раҳбарияти жамоанинг иккала дарвозабони - Пау Лопес ва Антонио Миранте кўрсатаётган ўйинлардан умуман қониқмаяпти. Улар Лопесни ижарага бериб, ўрнига Сиригуни олиб келмоқчи.

Сиригу “Торино” сафига 2017 йил ПСЖдан кўчиб ўтган эди. У ўтган давр мобайнида туринликлар сафида 131 та ўйинда майдонга тушди ва ўз дарвозасидан 186 та гол ўтказиб юборди. Унинг клуб билан амалдаги шартномаси 2022 йилга қадар имзоланган.