"Рома" ва "Интер" бир футболчини кўзламоқда

Бременнинг "Вердер" клуби ҳужумчиси Макс Крузе яқинлашиб келаётган ёзги трансферлар даврида жамоасини ўзгартириши мумкин.

Bild нашри тарқатган хабарга кўра 31 ёшли футболчининг хизматларига "Рома" ва "Интер" клублари жиддий қизиқиб қолишган. Қайд этиш лозимки, Крузенинг бременликлар билан тузган амалдаги шартномаси мавсум якунлангач ўз ниҳоясига етади ва шу боис у ёзда истаган жамоасига эркин агент сифатида йўл олиши мумкин.

Маълумот учун, Крузе жорий мавсум “Вердер” сафида Бундеслигада 34та баҳсда майдонга тушди ва ўз ҳисобига 11та гол ҳамда 14та голли узатма ёздириб қўйишга эришди.