"Рома" Хитойда тўп сураётган собиқ ҳужумчисини ортга қайтармоқчи

"Рома" раҳбарияти Хитойнинг "Шанхай Шентхуа" клуби форварди Стефан Эл-Шааравининг хизматларига қизқиш билдира бошлади. Бу ҳақда италиялик журналист Жанлуки Ди Марцио хабар тарқатмоқда.

Юқоридаги манбаага кўра “бўрилар” 27 ёшли италиялик футболчини жароҳат олиб сафдан чиққан Николо Дзаньоло ўрнига муносиб кўришмоқда.

Эслатиб ўтамиз, Эл-Шаарави учун “Рома” бегона эмас. У 2016-2019 йилларда ушбу жамоа шарафини ҳимоя қилган ва 139 та ўйинда майдонга тушиб, рақиблари дарвозасига 46 та гол уришга эришган.