"Roma" xo‘jayini evrokubokdagi g‘alabadan so‘ng nimalar dedi?

“Roma” xo‘jayini Den Fridkin UEFA Konferentsiyalar ligasidagi g‘alabadan so‘ng o‘z fikrlarini bildirib o‘tdi.

“Hissiyotlar juda katta. "Roma" shuncha yillardan so‘ng yana g‘alaba qozonganidan juda xursandman. Shahar, muxlislar, jamoa bunga munosib edi.

Bu "Roma" uchun muhim kun. Bilaman, ushbu g‘alaba bu erda uzoq vaqtdan beri kutilgan edi. Bu katta o‘yin bo‘ldi va g‘alaba qozongan men emas, balki “Roma”. Shu sababli olqishlar faqat jamoaga bo‘lishi kerak”, - dedi Fridkin.

Eslatib o‘tamiz, “Roma” Konferentsiyalar ligasi finalida Niderlandiyaning “Feyenoord” klubini 1:0 hisobida taslim qildi va bosh sovrinni qo‘lga kiritdi.