"Рома" янги ҳужумчи олди. Энди Шомуродов захирада қоладими? - Хайрулла Ҳамидовдан жавоб

"Челси" ҳужумчиси Тэмми Абрахам "Рома" аъзосига айланди. Ушбу хабардан сўнг кўпчилик Элдор Шомуродов захирада ўтириб қоладими деган фикрлар пайдо бўлди. Унга таниқли шарҳловчи Хайрулла Ҳамидов телеграмдаги сафиҳасида жавоб берди.

- Элдор Шомуродовга рақобатчи эмас, шерик олиб келинди. Ҳа, шерик.

Тэмми, тоттенхемчасига айтадиган бўлсак, Кейн ролида, Шомуродов Сон ролида...

Рим дарвозаси олдида штурм кўраётган бўлсангиз, қарши ҳужумга тайёрланаверинг: Марказда Абрахам тўпни қабул қилиб олади ва... якунни мендан ҳам яхши биласиз.

Қутлуғ бўлсин, "Рома"! - деди Хайрулла Ҳамидов.