"Roma" yirik hisobda g‘alaba qozonib, guruh bosqichiga yo‘l oldi. Shomurodov zaxiradan maydonga tushdi

  • 26 avgust, 2021, 23:51
  • Javokhir Azimov
  • 0
  • Futbol
TIGGO 2 PRO

UEFA Konferentsiyalar ligasi pley-off bosqichidan o‘rin olgan "Roma" - "Trabzonspor" uchrashuvi o‘z yakuniga etdi. Unda mezbonlar 3:0 hisobida zafar quchdi.

20-daqiqada Kristante kuchli zarbasi bilan hisobni ochgan bo‘lsa, Nikolo Zaniolo ikkinchi bo‘limda oradagi farqni ikkitaga etkazdi. Zaxiradan o‘yinga qo‘shilgan El-Shaaravi o‘z imkoniyatidan unumli foydalanib, hisobni yirik ko‘rinishga keltirdi. Shomurodov esa, 65-daqiqada maydonga tushdi.

Shunday qilib, ikki o‘yin natijasiga ko‘ra 5:1 hisobida zafar quchgan rimliklar Konferentsiyalar ligasi guruh bosqichiga yo‘l oldi.

"Roma" - "Trabzonspor" 3:0 (5:1)

90+3. Uchrashuv yakunlandi. "Roma" Konferentsiyalar ligasi guruh bosqichiga yo‘l oldi!

90+1. Manchini ogohlantirildi.

90. O‘yinning asosiy vaqtiga 3 daqiqa qo‘shib berildi.

88. So‘nggi daqiqalar biroz sokin tempda o‘tmoqda.

86. Jarimadan yo‘llangan zarbani mehmonlar posboni qaytardi.

86. Rimliklar jarima maydoni yaqinida standart vaziyatga ega bo‘ldi.

84. GOOOOOOOOOOL! "Roma" hisobni yirik ko‘rinishga keltirdi!

Qanotdan jarima maydoniga yorib kirgan El-Shaaravi darvozani ishg‘ol etdi!

82. Pellegrini oshirgan to‘pni Eldor to‘xtata olmadi. Boz ustiga, u ofsaydda ham qolib ketgan ekan.

81. SEYV! Nvakaeme jarima maydoni tashqarisidan kuchli zarba berdi. Patrisiu o‘z o‘rnida.

80. Bahs rimliklarning bosimi ostida davom etmoqda.

79. Veretu va Zaniolo o‘rniga El-Shaaravi hamda Vilyar maydonga tushdi.

77. Nvakaemening zarbasi himoyachiga tegib o‘z tezligini yo‘qotdi.

75. Karsdropning uzatmasidan so‘ng to‘p Shomurodovga qadar etib kelmadi.

74. Turkiyaliklar kambek uyushtirishga harakat qilmoqda. Ammo "bo‘rilar" bo‘sh kelmayapti.

72. Geynrix Mxitaryan o‘rniga Karles Peres o‘yinga qo‘shildi.

70. Mehmonlar vakiliga shifokorlar yordam ko‘rsatdi.

68. Rimliklar markazni mustahkam ushlamoqda. Pressingda faol ishlanyapti.

67. Siopis o‘z o‘rnini Yusuf Sariga bo‘shatib berdi.

65. GOOOOOOOOOOOL! "Bo‘rilar" hisobni ishonchli ko‘rinishga keltirdi!

Jarima maydoni ichidan zarba bergan Zaniolo darvozabonni ojiz qoldirdi!

65. Eldor Shomurodov maydonga tushdi. U Temmi Abraxamni almashtirdi.

63. Gamshikning kuchli zarbasini Patrisiu qaytardi.

61. Raqibning burchak zarbasidan keyin xavfni himoyaga qaytgan Abraxam bartaraf etdi.

60. O‘yin qarama-qarshi kurashlar ostida davom etmoqda.

58. Patrisiu darvozasi tomon berilgan zarbaga aniqlik etishmadi.

56. Abraxam maydonda yotibdi. U to‘qnashuvda kichik jarohat olgan.

54. Temmi Abraxamning bosh bilan yo‘llagan zarbasidan so‘ng to‘p ustunni titratdi.

52. Ikkinchi 45 daqiqalikda turkiyaliklar nisbatan faol o‘yin namoyish etmoqda.

50. Patrisiu raqibning xavfli zarbasini bartaraf etdi.

48. Andres Tronsendning uzatmasiga hech kim eta olmadi.

46. Ikkinchi taym boshlandi!

45+2. Tanaffus!

45. Birinchi taymdagi to‘xtalishlar o‘rnini qoplash maqsadida 2 daqiqa qo‘shib berildiyu.

42. Bo‘lim so‘ngini "Trabzonspor" kichik faollik bilan o‘tkazmoqda.

40. Zanioloning kiyimidan tortib qolgan Siopis ogohlantirildi.

38. Jordan Veretuga sariq kartochka ko‘rsatildi.

36. Zaniolo maydon markazida taktik fol ishlatdi.

34. Pellegrinining bu safargi urinishidan so‘ng to‘p biroz noaniq ketdi.

32. Pellegrini yo‘llagan kuchli zarbadan keyin darvozabon to‘pni qaytardi.

29. Turkiyaliklar burchak zarbasidan naf chiqara olmadi.

27. O‘yin tempi biroz pasaydi. Gol o‘tkazib yuborgan mehmonlar sustlashib qoldi.

25. Pellegrinining bazo‘r yo‘llagan zarbasini darvozabon osonlikcha egallab oldi.

22. Hisobda oldinga o‘tib olgan rimliklar to‘p nazoratini qo‘lga olishga harakat qilmoqda.

20. GOOOOOOOOOOL! "Roma" hisobni ochdi!

Kristantening jarima maydoni tashqarisidan bergan zarbasini darvozabon qaytara olmadi.

18. Jarohat olgan Kornelius o‘z o‘rnini Janiniga bo‘shatib berdi. 

16. Kornelius elkasini ushlab maydonda yotibdi. Unga tibbiy yordam kerak.

14. Startdayoq jiddiy va keskin kurashlar guvohiga aylanmoqdamiz. Oxiri baxayr bo‘lsin!

12. Chap qanotdan etkazib berilgan to‘pga Abraxam eta olmadi.

10. Jarima maydoni ichida futbolchilar o‘zaro tortishib qoldi. Hakam vaziyatga aralashdi.

8. Jervinoning xavfli uzatmasini himoyachilar bartaraf etdi.

6. Turkiyaliklarning ilk hujumi muvaffaqiyatsiz yakunlandi.

3. Kutilganidek, rimliklar ilk daqiqalardan faolroq ko‘rinmoqda.

1. Uchrashuvga start berildi!

0. Futbolchilar maydonga tushib keldi. O‘yin bir necha daqiqalar ichida boshlanadi.

Fikrlar

Fikr qoldirish uchun avtorizatsiyadan o'ting!