“Рома” юлдузи кутилмаган жамоага ўтади

Николо Дзаньоло “Рома” сафидан кетишни истаганидан кейин унга Италия, Германия ва Англиянинг нуфузли жамоалари оғиз солган эди.

Январда универсал футболчининг трансферини амалга оширишнинг имкони бўлмади. Бироқ, вазият ўзгариши кутилмоқда.

“Галатасарой” 23 ёшли ўйинчи трансфери бўйича “Рома”нинг ҳам розилигини олишга жуда яқин турибди. Турклар Николо учун 22 миллион евро беришга тайёр.

Аввалроқ, “Борнмут” Дзаньоло учун 30 миллион евро тиккан эди. “Бўрилар”  бу таклифни қабул қилди. Лекин Дзаньолонинг ўзи бу жамоага ўтишга кўнмади.

Натижада раҳбарият билан келишмовчилик келиб чиқда. Вазият Дзаньолонинг кетишини талаб этмоқда.

Туркияда трансфер ойнаси 8 февралга қадар давом этади.