“Рома”да яна катта йўқотиш!

“Рома” сардори ва етакчиси  Лоренцо Пеллегрини “Олимпико”да ўтказилган ва “Наполи”нинг кичик ҳисобдаги ғалабаси билан якунланган муҳим учрашувда сон мушакларини шикастлаб олгани аниқланди.

Il Messaggero нашрининг хабар беришича, 26 ёшли футболчи Европа лигаси гуруҳ босқичининг бешинчи турида пайшанба куни ХИК жамоаси билан бўладиган ўйинни ўтказиб юборади.

Шунингдек, Лоренцо 31 октябрга белгиланган А Серия доирасида “Верона”га қарши ўтказиладиган баҳсда ҳам қатнаша олмаслиги мумкин.

Пеллегрини Жозе Моуриньо жамоасининг ҳужумларини ташкил қилишда беназир ижрочи ҳисобланади ва унинг жароҳати римликлар учун катта йўқотишдир.

Пеллегрини жорий мавсумда 14 та учрашувда майдонга тушиб, бир жуфт гол ва олтита ассист муаллифи бўлди.