“Roma”dan ketgan futbolchi muxlislarga murojaat qildi

Ijara muddati yakunlanishi arafasida “Roma”dan ketib, “Arsenal”ga qaytishi aytilgan Eynsli Meytlend-Nayls rimlik muxlislarga murojaat qildi.

- Mavsum ajoyib yakunlandi. “Roma” muxlislari, o‘yinchilari va xodimlari menga ishonch bildirib, o‘zlarining bir vakili sifatida jamoaga qabul qilganlari, qisqa fursat bo‘lsa-da, birga bo‘lish imkonini berganlari uchun katta rahmat. Klub tarixining bir bo‘lagi bo‘lish tajribasini oldim, - dedi Eynsli Meytlend-Nayls.

24 yoshli yarim himoyachi yanvarda “Arsenal”dan ijaraga olinganidan keyin barcha turnirlarda 12 marta maydonga tushib, o‘zini ko‘rsata olmadi.

Joze Mourino boshchiligidagi murabbiylar shtabi angliyalik futbolchi bilan hamkorlikni davom ettirmaslikka qaror qildi.