“Рома”дан қувилган Моуриньо энди “Барса”ни бошқариши кутиляпти
“Рома” яқинда Жозе Моуриньони истеъфога чиқариб, жамоани Даниеле де Россига топширди. Бу кутилмаган ўзгариш сифатида баҳоланди.
El Nacional нашрининг хабар беришича, португалиялик мутахассис энди “Барселона”ни бошқариши мумкин. Каталонияликлар Испания Суперкубоги финалида “Реал”дан аламли мағлубиятга учраганидан кейин Хави Эрнандеснинг курсиси қимирлаб қолган.
Хави Эрнандес бош мураббийликдан озод этилган тақдирда жамоани ўринбосарлар таркибини шуғуллантираётган Рафаль Маркес вақтинча бошқариб туриши ҳам белгилаб қўйилган.
Айрим манбалар Моуриньонинг Каталонияга келиши мумкинлигини айтмоқда. Бош мураббийликка яна бир номзод сифатида “Болонья”ни муваффақиятли бошқараётган Тьяго Моттанинг номи тилга олиняпти.
Фикрлар