"Рома"га қарши ўйиндан олдин "Интер" йўқотишга учради

Миланнинг “Интер” клуби ярим ҳимоячиси Артуро Видаль А Сериянинг 34-туридан ўрин олган “Рома”га қарши ўйинни ўтказиб юборади.

La Gazzetta dello Sport нашри тарқатган хабарга кўра, чилилик футболчи тўпиғидан жароҳат олган. Шу сабабли у жамоанинг кечаги машғулотларида ҳам иштирок этмади.

Эслатиб ўтамиз, “Интер” – “Рома” учрашуви 23 апрель куни Тошкент вақти билан соат 21:00 да бошланади. “Нерадзуррилар” айни дамда А Серия мусобақа жадвалида 69 очко билан 2-ўринда, “бўрилар” эса 58 очко билан 5-ўринда бормоқда.