“Рома”га яхши хабар

“Рома” бош мураббийи Жозе Моуриньо “Наполи”га қарши ўтказиладиган муҳим учрашувдан олдин яхши хабар эшитди.

Жароҳат олиб сафдан чиққан Зеки Челик тиззасидаги оғриқлардан буткул фориғ бўлиб, асосий гуруҳ машғулотларига қўшилди.

25 ёшли футболчининг жароҳати бироз жиддий эди. Мутахассислар туркиялик ҳимоячи октябрь ойи охири ёки жаҳон чемпионатидан кейин сафга қайтишини тахмин қилганди.Тикланиш жараёни анча эрта якунланди.

Ёзда жамоага қўшиб олинган Зеки Челик жорий мавсумда тўққизта учрашувда майдонга тушиб, жами 509 дақиқа ўйнади.