Роман Ротенберг Мессининг Роналдудан устун жиҳатини айтди

Россия Хоккей федерацияси вице-президенти Роман Ротенберг Лионель Месси ва Криштиану Роналду ўртасида кимни афзал кўришини маълум қилди.

«Ростини айтсам, Мессини кўпроқ ёқтираман. Чунки у кўпроқ қиррали футболчи. Унинг атрофида исталган жамоани қуриш мумкин. Мессининг ўзи ҳам жамоа учун кўп нарса яратишга қодир», — дея Ротенбергнинг сўзларини «Матч ТВ» келтирмоқда.

Месси 2026 йилги мавсумда «Интер Майами» сафида 34 та учрашувда майдонга тушиб, 29 та гол урди ва 15 та голли узатмани амалга оширди.

Роналду эса жорий мавсумда Саудия Арабистонининг «Ал-Наср» клуби таркибида 12 та ўйинда иштирок этиб, саккизта гол ва битта голли узатма муаллифи бўлди.