"Рома"нинг янги бош мураббийи ким бўлиши маълум бўлди

Украинанинг “Шахтёр” клуби бош мураббийи Паулу Фонсека фаолиятини Италия А Сериясида давом эттирадиган бўлди.

Италиялик журналист Жанлуки Ди Марционинг хабар беришича 46 ёшли португалиялик мутахассис “Рома” билан келишувга эришган. Унга кўра Фонсека римликлар билан 3 йиллик шартнома имзолайди.

Таъкидлаш керакки, “кончилар” дастлаб Фонсека учун “бўрилар”дан 5 млн евро миқдорида товон пули талаб қилишаётган эди. Бироқ, кейинчалик томонлар ушбу маблағни 2 миллионга туширишди.