Romano: "Napoli" bosh murabbiyini iste’foga chiqaradi

"Napoli" so‘nggi paytlardagi yomon natijalardan keyin bosh murabbiy Rudi Garsiyani o‘z lavozimidan ozod qiladi, deya xabar bermoqda insayder Fabritsio Romano. 

Ma’lum bo‘lishicha, bu iste’fo yaqin soatlar ichida ro‘y berishi mumkin. Rahbariyat A Seriya doirasida bo‘lib o‘tgan "Empoli"ga qarshi o‘yindan keyin bu qarorga kelgan. Ayni paytda klub yangi murabbiy izlamoqda. 

Eslatib o‘tamiz, Garsiya Spalletti ketganidan keyin yozda jamoani qabul qilib olgan. Neapolliklar ayni paytda A Seriyada 12-turdan keyin 4-o‘rinda bormoqda. Shuningdek, Chempionlar ligasida "C" guruhida ikkinchi pog‘onada turibdi. 

Murabbiy oldinroq "An-Nasr"da ishlagandi. Shuningdek, u faoliyati davomida "Lion", "Marsel", "Roma" va "Lill" kabi klublarni boshqargan.