Romano: "Sandro Tonali 10 oyga diskvalifikatsiya qilinadi"

Tonalining diskvalifikatsiya muddati ma’lum bo‘ldi. 

Italiyalik insayder Fabritsio Romano "Nyukasl" yarim himoyachisi Sandro Tonali pul tikish mojarosi tufayli 10 oyga futboldan chetlatilganini tasdiqladi. Shu tariqa, italiyalik nafaqat mavsumning qolgan qismini, balki Evropa chempionatini ham o‘tkazib yuboradi.

"Tonali 10 oyga diskvalifikatsiya qilinadi. Manbalar buni tasdiqladilar, rasmiy e’lon qilinishi qoldi, xolos. U pul tikish mojarosi tufayli 10 oy davomida futbol o‘ynay olmaydi. Sandro, shuningdek, qimor o‘yinlariga qaram bo‘lganlar uchun reabilitatsiya dasturidan o‘tadi. “Yuventus” yarim himoyachisi Nikolo Fagioli ham xuddi shunday”, - deb yozdi Romano ijtimoiy tarmoqlarda.