Романо Ямалнинг аҳволи ҳақида маълумот берди

Испания терма жамоаси ҳужумчиси Ламин Ямал асосий таркиб билан умумий машғулотларга қайтди. Бу ҳақда футбол бўйича инсайдер Фабрицио Романо хабар берди.
 

Унинг таъкидлашича, Ямалнинг сафга қайтиши футболчининг жаҳон чемпионатидаги илк ўйинда майдонга тушиш эҳтимолини оширади. Ёш ҳужумчи 22 апрелдан бери расмий учрашувларда иштирок этмаган — у шу куни «Сельта»га қарши Ла Лига баҳсида (1:0) жароҳат олган эди. Ўша ўйинда Ямал пенальтидан ягона ва ғалаба голини урганди.
 

Испания жаҳон чемпионатидаги иштирокини 15 июн куни Кабо-Вердега қарши ўйин билан бошлайди. Луис де ла Фуэнте бошқарувидаги жамоа гуруҳ босқичида шунингдек Саудия Арабистони ва Уругвай терма жамоаларига қарши майдонга тушади.