Ромеро Аргентинага кетиши мумкин

"Манчестер Юнайтед" дарвозабони Серхио Ромеро фаолиятини ўз ватанида давом эттириши мумкин.

Goal нашри тарқатган хабарга кўра, аргентиналик посбон “қизил иблислар” билан 2021 йилга қадар тузилган амалдаги шартномасини муддатидан аввал бекор қилиш бўйича музокаралар ўтказмоқда. Унга собиқ жамоаси "Расинг"дан жиддий таклиф бўлмоқда.

Айтиш керакки, ўтган ёзги трансферлар даврида Ромерога “Эвертон”дан ҳам таклиф бор эди. Аммо МЮ уни ижарага беришни хоҳламади.

33 ёшли Серхио Ромеро “Манчестер Юнайтед” сафида 2015 йилдан буён тўп суриб келмоқда. У ўтган давр мобайнида 61 та ўйинда майдонга тушди ва ўз дарвозасидан 27 та гол ўтказиб юборди.

Матнда хатолик топсангиз, ўша хатони белгилаб, бизга жўнатинг (Ctrl + Enter)