Роналдиньо: "Мессига айнан шу нарса етишмаётган эди"

Бразилия терма жамоаси, "Барселона" ва "Милан" клублари собиқ ҳужумчиси Роналдиньо Мессининг Қатарда бўлиб ўтган жаҳон чемпионатидаги ғалабаси ҳақида ўз фикрлари билан ўртоқлашди.

"Леонинг жаҳон чемпионатидаги муваффақиятидан жуда мамнунман. Унга айнан шу нарса етишмаётган эди. Ушбу ғалабадан кейин Лео ўз ўйини билан мухлисларни хурсанд қилишда давом этиши керак", - дея бразилиялик футболчининг сўзларини келтиради "Sport.es" нашри.

Қатарда бўлиб ўтган жаҳон биринчилиги финалида Аргентина терма жамоаси Францияни пенальтилар сериясига кўра мағлуб этди (3:3, 4:2). Ҳал қилувчи баҳсда Месси дубль қайд этди.

Мусобақа якунларига кўра, Месси турнирнинг энг яхши футболчиси деб топилди. У турнир давомида 7 та гол урди ва 3 та голли узатмани амалга оширди.