Роналду 90 дақиқада миллионлик рекордни урди

“Ан-Наср” ва Португалия терма жамоаси ҳужумчиси Криштиану Роналду YouTube тармоғида ўзининг расмий саҳифасини очган эди.

ESPN нашрининг маълум қилишича, бу канал YouTube платформаси тарихида энг тез бир миллион нафар обуначи йиғиш бўйича рекорд ўрнатди.

Манбага кўра, Роналдуга ўз каналидаги обуначилар сонини бир миллионтага етказиш учун 90 дақиқа кифоя қилди. Яна ярим соатдан кейин каналга қўшилганлар сони икки миллион нафардан ошди.

39 ёшли Роналду замонавий футболда энг кўп гол урган ўйинчи ҳисобланади. Португалиялик юлдуз клублар миқёмида 1015 та учрашувда 761 та гол ва 239 та ассист қайд этган. Португалия терма жамоаси сафида 212 та баҳсда рақиблар дарвозасини 130 маротаба ишғол қилган.