Роналду А Серия клубларининг терма жамоаларга қарши чиқишига сабабчи бўлди

Италиянинг Corriere dello Sport нашрининг хабар беришича, “Ювентус” президенти Андреа Аньелли ва “Наполи” раҳбари Аурелио Де Лаурентис ўз жамоаларида тўп сураётган футболчиларни миллий терма жамоаларига қўйиб юбормайди.

Бу икки раҳбар футболчиларнинг терма жамоаларга жалб қилиниши, коронавирус пандемияси даврида қўшимча муаммоларни келтириб чиқараётгани учун шундай қарор келганлиги айтилмоқда.

Қолаверса, улар ўз қарорини халқаро ўйинлар жадвалининг тиғизлиги ва бу футболчиларнинг жароҳат олишига сабаб бўлаётгани билан ҳам асослаяпти.

“Интер” президенти Жузеппе Маротта ҳам ўз ҳамкасбларининг фикрларини ва қарорларини қўллаб-қувватламоқда.

“Ювентус” раҳбарининг қарори тўғрилигига жамоа муҳим учрашувларда Португалия терма жамоасидан коронавирус юқтириб келган Криштиану Роналду хизматларидан фойдалана олмагани мисол келтирилмоқда.

Шу ўринда, Роналду Португалиянинг ноябрь ойида Франция ва Хорватияга қарши ўтказиладиган расмий учрашувларига ҳам чақиртирилган.