Роналду “Ан-Наср” машғулотларида иштирок этмади

Эрталаб "Ан-Наср" 2 февраль, душанба куни Саудия Арабистони Про-лигасининг 20-туридан ўрин олган "Ар-Риёд"га (0:1) қарши ўйинда иштирок этмаган футболчилар учун машғулот ўтказди. Шу билан бирга, машғулотда жамоа сардори ва ҳужумчиси Криштиану Роналду иштирок этмади. Бу ҳақда журналист Абдулазиз Ал-Осеймийнинг X ижтимоий тармоғидаги саҳифасида маълум қилинди.

Аввалроқ ОАВда 40 ёшли форвард ёзги трансферлар вақтида "Ан-Наср"да ўзини бахтсиз ҳис қилаётгани ва фаолиятини Европа ва МЛСда давом эттириш вариантларини кўриб чиқаётгани сабабли Саудия Арабистони клубини тарк этиши мумкинлиги ҳақида хабарлар тарқалган эди.

Роналду "Ан-Наср" сафида 2023 йилдан буён тўп суриб келмоқда. Футболчининг клуб билан шартномаси 2027 йилгача мўлжалланган.