Роналду "Ан-Наср"нинг кечаги ўйинидан сўнг нималар деди?

Саудия Арабистони чемпионатининг 17-турида "Ан-Наср" ўз майдонида "Ат-Таъвун" билан баҳс олиб борди. Учрашувда мезбонлар 2:1 ҳисобида ғалаба қозониб, 40 очко жамғарган ҳолда қўшимча кўрсаткичлар ҳисобига турнир жадвалида пешқадамга айланиб олди.

Беллашувда Криштиану Роналду жамоадошлари Абдураҳмон Ғариб ва ​​Абдулла Мадуганинг киритган голларига узатма берди. 38 ёшли португалиялик ўйиндан сўнг ўз фикрлари билан ўртоқлашди.

"Муҳим 3 очкога эга бўлдик ва ҳозирда чемпионат турнир жадвалида 1-ўриндамиз. Жамоавий ўйинимиз ҳисобига ғалаба қозондик", - деб ёзади Роналду ижтимоий тармоқларда.