Роналду: Айтганим бўлмаса, кетвораман!

“Манчестер Юнайтед” ҳужумчиси Криштиану Роналду келажаги борасида бир қарорга келгани йўқ. Аниқроғи, у клуб раҳбарияти олдига бир талаб қўймоқда.

Таниқли журналист Фабрицио Романонинг таъкидлашича, португалиялик юлдузнинг жамоада қолиши клуб раҳбариятнинг трансфер бозоридаги ҳаракатига боғлиқ бўлади. Агар клуб ўзи кўзлаган юлдузларни қўлга кирита олмаса, Роналду клубни тарк этади.

Криштиану учун ёзда таркибнинг кучайтирилиши муҳим аҳамият касб этади. Роналду шундай бўлган тақдирда, Европа лигасида ҳам ўйнашга тайёр.

Яқинда Роналдунинг агенти Жорже Мендеш “Челси”нинг янги хўжайинлари билан учрашиб, ҳужумчининг трансферини муҳокама қилгани ҳақида хабарлар тарқатилганди.