Роналду "Барселона"га қарши ўйнай олади

"Ювентус" клуби ва Португулаия терма жамоаси ҳужумчиси Криштиану Роналду Жоан Гампер кубоги доирасида "Барселона"га қарши бўладиган баҳсда иштирок эта олади.

Mundo Deportivo нашри тарқатган хабарга қараганда, 36 ёшли португалиялик ҳужумчи бир неча кундан буён асосий таркиб билан бирга шуғулланмоқда. У Барселонада ташкил этиладиган анъанавий мусобақада иштирок эта олади.

Аммо Роналду керакли даражада спорт формасини йиғиб олмагани учун майдонда тўлиқ 90 дақиқа ҳаракат қила олмаслиги мумкин.

"Барселона" ва "Ювентус" жамоалари ўртасидаги учрашув 8 август куни бўлиб ўтади.