Роналду: Бизга "Барселона" устидан қозонилган ғалаба керак эди

"Ювентус" ҳужумчиси Криштиану Роналду Чемпионлар Лигаси 6-туридан ўрин олган "Барселона"га қарши баҳс (0:3) ҳақида ўз фикрларини билдириб ўтди.

"Бу вазифа деярли имконсиз туюлганди. Старт жуда муҳим аҳамият касб этарди. 20 дақиқа ичида 2 та тўп фарқи билан олдинга ўтиб олганимиздан сўнг, биз буни уддалай олишимизга ишондик. Бу ғалаба бизнинг ўзимизга бўлган ишончимизни мустаҳкамлайди.

Бизга "Барселона" каби кучли жамоа устидан қозонилган ғалаба керак эди. "Камп Ноу"да 3 та гол уриш, гуруҳ босқичини ғолиб сифатида якунлашга лойиқлигингни билдиради", - дея португалиялик юлдуз сўзларини "Football Italia" нашри келтирмоқда.

Туринликлар "Барселона" устидан сафарда қозонилган ғалаба эвазига "G" гуруҳини 1-ўринда якунлади.