Роналду бошқа жамоага ўтиши кутилмоқда

Криштиану Роналдунинг Европа футболини тарк этиб, йил бошида Саудия Арабистонининг “Ан-Наср” жамоасига кўчиб ўтгани ҳамон кенг муҳокама қилинмоқда.

Sportskeeda нашрининг маълум қилишича, португалиялик юлдуз келажакда жамоасини ўзгартириши мумкин. Саудиянинг яна бир клуби “Ал-Ҳилол” 38 ёшли тўпурарн ўз сафига қўшиб олишни режалаштирмоқда.

“Ал-Ҳилол” Роналду Осиё футболига кўчиб ўтганидан кейин Лионель Мессига таклиф билан чиққанди. Улар аргентиналик жаҳон чемпионига йилига 300 миллион еврогача маош ваъда қилган.

Роналду “Ан-Наср” билан икки ярим йиллик битим тузган. Келишувга кўра, футболчининг йиллик маоши 200 миллион евро атрофида белгилаган.